Giyerang Online Part 1

Kaming mga Taong Grasa ay mahilig sa libre. Libreng mp3, libre mp4 o anumang video sa iba't ibang format o maging mga libreng software. Hindi namin ikinakaila na piratang software ang nagpapatakbo sa aming mga notebooks, PCs at maging sa aming mga cellphones.

Pirata rin ang aming telepono. Ang tawag dito ay Blueberry minsan naman ay Redberry. Depende sa kulay ng case. Tinatawag din itong china phone, na ang motherboard ay mula sa Taiwan at in-assemble sa mga factory sa China. Maging ang mga software na ikinakarga sa mga teleponong ito ay pinirata.

At dahil napakaraming Taong Grasa, hindi lamang dito sa Pilipinas kungdi maging saang parte ng mundo, marami ang gumagamit ng mga piratang software at hardware.

The New Internet is Here and it is called IPV6

Dahil sa dami ng mga equpment na ngayon ay ginagamit upang maka-access sa internet, kinukulang na nag mga Internet Protocol (IP) addresses. Dahil dito naglunsad ang Google ng panibagong sistema upang madagdagan ang mga addresses. Sa kasalukuyan, ang ginagamit na mga addresses ay nakabase sa IPV4, na ilang bilyon lamang ang puwedeng mabigyan ng address. Sa ilalim ng IPV6, trillion ang puwedeng mabigyan ng address. Naisip ito dahil sa ngayon pa lamang ay bilyon na ang bilang ng mga mobile gadgets na puwedeng mag-access sa internet. Eh sa darating na panahon, hindi lamang mga electronic gadgets kungdi maging pangkaraniwang mga gamit ay kakailanganing mabigyan ng IP address. Isang ehemplo nito ay ang mga bombilya sa bahay na gusto natin i-automate sa pamamagitan ng internet o kaya ay ang mga gripo na gusto nating mabuksan o maisara sa pamamagbitan ng internet. Nakakawindang, di ba? Buti na lang kaming mga Taong Grasa, nakikigamit lang ng computer o kaya'y nakikikabit para makakuha ng internet access.

Aguinaldo, pekeng rebolusyonaryo!!!

Kung buhay kaming mga Taong Grasa noong nag-alsa ang Katipunan laban sa mga Kastila, malamang kasama kami ni Andres Bonifacio ng Magdiwang at hindi ng Magdalo ng pekeng rebolusyonaryong si Emilio Aguinaldo.

At malamang din kasama kami sa pinapatay ni Aguinaldo.


Hayop itong si Aguinaldo, hindi lang kriminal kungdi isa ring makapili. Hindi pa naipapanalo ang rebolusyon ay ibinenta na ang bansa sa mga Amerikano.

Opo, mga kapwa Taong Grasa, Amboy si Aguinaldo bago naging makapili,  nakiapid at nakipagkutsabaan at sa mga Hapon.

Sa Deklarasyon ng Kasarinlang pinirmahan ni Aguinaldo sa Malolos Congress ipinahayag ng sinasabing unang pangulo ng Republika ng Pilipinas ang kanyang taimtim na pagsaludo sa mga Amerikano.

Pugad ng katrapuhan

Malaki ang paghanga ko rito kay vice president Jejomar Binay.

Hinahangaan ko ang kanyang pagiging focus at pagiging driven.

Focus siyang maging trapo dahil driven siyang humawak ng kapangyarihan.

Tsk, tsk, tsk.

Nasayang ang legacy ni Jojo na mula sa isang aktibistang may pinanghahawakang ideolohiya at prinsipyo ngayon ay tila isang sorbetes na nalulusaw sa init ng ambisyong maging pinakamakapangyarihang nilalang sa bansa.

Tandaan nating si Jojo ay isa sa mga aktibistang kumalaban kay Marcos. Founder pa nga siya ng Mabini, isang samahan ng mga abogadong tumutulong sa biktima ng human rights violation.

Pero mula nang maupo sa Makati City bilang alkalde at nakatikim ng kapangyarihan ay tila na-adik na sa paghawak nito.

May kilala ka bang hindi Binay na naging alkalde ng Makati City mula noong maupo si Binay sa naturang lungsod?

Ano nga ang tawag dito? Political Dynasty ba?

Trapo

HIndi nagtataka ang mga Taong Grasa na nilisan ni Isko Moreno, ang kasalukuyang vice mayo ng Lungsod ng Maynila, ang pugad ni Mayor Alfredo Lim.


Ano ba ang maasahan sa isang traditonal politican na katulad niya?


Aaminin naming mga Taong Grasa na sinuportahan namin si Isko dahil galing siya sa aming hanay. Dating Taong Grasa rin kasi itong si Isko at nakasama namin sa pangangalaykay ng kung ano-anong mahahalukay sa basurahan sa Tondo.


Sa totoong buhay ang pangalan ni Isko ay Joaquin Domagoso, at ang Isko Moreno ay kanyang screen name noong pumasok sa showbiz.


Masuwerte itong si Isko. Nakapasok siya sa showbiz matapos maispatan ni Wowie Roxas nang minsang dumalo ito sa isang burol sa Tondo at nakumbinsing pumasok sa pag-a-artista. Napasabak si Isko sa That's Entertainment ni Master Showman German Moreno.