Totoong hindi namin siya kauri. At sa totoo lang mas maituturing naming kauri si Nancy Binay. Sa kulay pa lang ng balat hindi maitatatwa na si Nancy ay isang Taong Grasa.
Pero itong si Risa Hontiveros, maputi man at mestisahin, mas kakulay naming mga Taong Grasa ang mithiin.
Mithiin kasi naming mga Taong Grasa na mabigyan kami ng oportunidad sa buhay at ito ang isinusulong ni Risa mula noong siya ay nasa Kongreso pa bilang kinatawan ng Akbayan.
Nabigyan ng pagkakataon ang mga tulad naming masisipag ngunit walang lupang magsasaka nang isinulong at naisabatas ang Carper o Comprehensive Agrarian Reform Program with Reforms.